Usoro akpachapụrụ anya hazie iji kwalite ma kwado ịsụ asụsụ Irish bidoro na Narị afọ nke 19 gawa n’ihu. Tinyere mmepe ndị ọzọ, e hiwere Òtù Na-ahụ Maka Ichekwa Asụsụ Irish n’afọ 1876, bụ́ nke rụrụ ọrụ iji mee ka a mara asụsụ Irish n’ime usoro agụmakwụkwọ. Conradh na Gaeilge (the Gaelic League) pụtara na 1893, nke bụ ebe igwe mmadụ na-akwado ịsụ asụsụ siri wee mụbaa. E nweela ọtụtụ ihe ndị e meworo n’ịkwado ịsụ asụsụ ahụ kemgbe.

Asụsụ Irish buzi asụsụ izizi akwadoro ugbua ka ana-asụ na Steeti, ọ bụ otu n'ime asụsụ nke ndị Njiko Mba di na Europu nabatara. Dịka etu Ọnụọgụgụ mmadụ n’afọ 2022 siri wee kwuo, nde mmadụ 1.87 na mpaghara 26 na-asụ asụsụ Irish nakwa ihe dịka mmadụ 72,000 na-eji asụsụ ahụ ekwụrịta okwu kwa ụbọchị. Asụsụ Irish na-esiwanye ike na mpaghara 6, ebe ihe karịrị mmadụ 40,000 na-eji asụsụ ahụ ekwụrịtaokwu kwa ụbọchị nakwa ihe fọrọ ntakịrị ka o ruo mmadụ 70,000 na-eji asụsụ ahụ ekwụrịtaokwu ọ dịkarịa mpe kwa izu, dị ka Ọnụọgụgụ mmadụ nke afọ 2021 siri wee kwuo. Asụsụ Irish na-arụ ọrụ dị mkpa na ihe ndị e jiri mara mba anyị ma anyị na-achọ ịkwalite ịhụnanya anyị nwere na asụsụ ahụ n’ime ndị kwagara Ireland.